I dërguari i posaçëm i presidentit amerikan, Donald Trump, për dialogun Kosovë-Serbi, sot vazhdon vizitën zyrtare në Kosovë.
Ambasadori Richard Grenell sot do të pritet nga kreu i LDK-së, Isa Mustafa, takim ky i planifikuar në ora 11:30.
Grenell mbrëmë ka takuar presidentin e vendit, Hashim Thaçi ku përmes një postimi edhe pas darkës së punës tha se duhet të bëhet progres dhe të hiqet taksa.
“Ne jemi të detyruar të bëjmë progres – që përfshin heqjen e tarifave”, thuhet në postimin e Grenell në Twitter.
Vizita e tij realizohet në kohën e ngërçit institucional që e ka përfshirë Kosovën, pasi që nga përfundimi zgjedhjeve parlamentare, që janë mbajtur më 6 tetor 2019, ku LVV doli fituese, nuk është arritur marrëveshje për formimin e Qeverisë./InLajmi
