Ekspertët e OKB-së për të drejtat e njeriut kanë kërkuar një hetim të menjëhershëm lidhur me pretendimet se Princi i Arabisë Saudite hakoi telefonin e shefit të Amazonës, Jeff Bezos.
Ata gjithashtu thanë se Mohamed bin Salman duhet të hetohet edhe për “përpjekje të vazhdueshme, të drejtpërdrejta dhe personale atyre që i percepton si kundërshtarë”.
Një mesazh nga një numër telefoni i përdorur nga princi është implikuar në një shkelje të të dhënave të Bezos.
Ambasada e Mbretërisë në SHBA ka mohuar storien, të cilën e quajti absurde.
Por, ekspertët e pavarur të OKB-së – Agnes Callamard, raportues special për ekzekutime të përmbledhura dhe vrasje jashtëgjyqësore, dhe David Kaye, raportues special për lirinë e shprehjes – thanë se përfshirja e mundshme e princit duhet të hetohet.
Marrëdhëniet midis Arabisë Saudite dhe Bezos – i cili gjithashtu është pronar i Ëashington Post – u përkeqësuan pasi Jamal Khashoggi, një kritik i shquar i qeverisë Saudite dhe pjestar i stafit të gazetës, u vra në konsullatën Saudite në Stamboll në vitin 2018.
