Deputeti i Vetëvendosjes, Dimal Basha ka thurrur lëvdata për figurën e Presidentit Rugova në 14 vjetorin e vdekjes së tij.
Përmes një postimi në profilin e tij zyrtar Facebook, Basha ka thënë se Rugova i hapte rrugë Kosovës sa herë që ato mbylleshin,
Sipas tij, vizioni i Rugovës ka qenë vendi e populli dhe jo egot e individëve.
“Rugova ka ekzistu kur Kosova s’ka pas parti. Rugova ka udhëheq kur Kosova s’ka pas lider. Rugova ka pleqnu kur Kosovës ju ka mohu kuvendi. Rugova ka fol kur Kosovës me dhunë ju ka mbyll goja. Rugova ka hap rrugë kur Kosovës ju kishin mbyll krejt dyert. Rugova ka qenë burrë i urtë dhe i mençëm që ka pa përtej personave. Vizioni i tij ka qenë vendi e populli, jo egot e individëve”, ka shkruar Basha.
Ai ka thënë se nëse LDK-ja e përcjell shëmbëlltyrën e Rugovës atëherë nesër do të bëhej qeveria.
Postimi i plotë i tij:
Pak fjalë për Rugovën.
Rugova ka ekzistu kur Kosova s’ka pas parti. Rugova ka udhëheq kur Kosova s’ka pas lider. Rugova ka pleqnu kur Kosovës ju ka mohu kuvendi. Rugova ka fol kur Kosovës me dhunë ju ka mbyll goja. Rugova ka hap rrugë kur Kosovës ju kishin mbyll krejt dyert. Rugova ka qenë burrë i urtë dhe i mençëm që ka pa përtej personave. Vizioni i tij ka qenë vendi e populli, jo egot e individëve.
Çka ka shumë rëndësi me kuptu është se puna dhe vepra e tij nuk i ka taku dhe nuk i takon asnjë partie, fisi, e klani. Krejt veprat që i ka ba dhe i ka lënë pas kanë qenë për vendin dhe popullin e Kosovës. Prandaj, Rugova nuk i takon askujt dhe asnjë partie, por i takon veq popullit dhe një historie të lavdishme të Kosovës.
Rugova ka qenë vërtet institucionalist dhe ka ndihmu në ndërtimin e shtetit që e gëzojmë. Mirëpo ata që thirren në emër të tij nuk janë shembull nëse në ndërtim të shtetit kërkojnë rrënimin e institucioneve. Nuk ndërtohen kala duke rrënu kulla.
Sot nëse LDK synon të përcjell shembëlltyrën e Rugovës, ne që nesër bëhemi me qeveri./InLajmi
