Dy persona u arrestuan, një në Holandë dhe tjetri në Irlandën e Veriut, në kuadër të një hetimi, të drejtuar veçanërisht nga FBI, mbi një trafik të miliarda të dhënave personale të piratuara, të tilla si fjalëkalime, njoftoi sot policia holandeze.
Një i dyshuar 22-vjeçar u arrestua në qytetin Arnhem, në lindje të Holandës, menjëherë pas një informacioni të fshehtë të marrë nga një njësi holandeze e krimit-kibernetik që bashkëpunonte me agjencinë britanike të luftës kundër krimit të organizuar (NCA), FBI dhe policinë gjermane, transmeton Periskopi.
“Ai dyshohet se është përfshirë në një posedimin dhe shitjen e emrave të përdoruesve dhe fjalëkalimeve të piratuara dhe ka luajtur një rol lehtësues në fushën e krimit kibernetik”, theksoi policia në një komunikatë duke shtuar se i dyshuari i dytë, gjithashtu i moshës 22 vjeç, ishte arrestuar në Irlandën e Veriut.
