Analisti i çështjeve politike, Blerim Vela, ka folur lidhur me deklaratën e fundit të Vjosa Osmanit rreth koalicionit me Lëvizjen Vetëvendosje.
Ai thekson se kandidatja për kryeministre, Vjosa Osmani, është e vetmja mënyrë për të arritur rezultat pozitiv në zgjedhjet e 6 tetorit.
“Rikthimi i Vjosa Osmanit është lajm i mire për LDK si e vetmja garanci për sukses ne qeverisje dhe zgjedhje ne te ardhmen”, tha Vela.
“Rikthimi i Vjosa Osmanit
LDK u reshtua pas kandidaturës se Vjosa Osmanit si e vetmja mënyrë për te arritur rezultat pozitiv ne zgjedhjet e 6 tetorit. Në periudhën pas zgjedhjeve u duk se pati zbehje te rolit dhe ndikimit te saj në definimin e marrëveshjes për bashkëqeverisje me LVV.
Tani qe bisedimet janë ne qorrsokak, Vjosa Osmani deklarohet hapur pro arritjes se marrëveshjes me LVV përkundër faktit se Kuvendi u konstitua pa marrëveshje paraprake mes LDK dhe LVV. Vjosa Osmani u beri te qarte mbështetësve te saj brenda strukturave partiake dhe grupit parlamentar se ata kishin vetëm një mandat nga votuesit – krijimin e qeverise me LVV.
Ky hap i Vjosa Osmani ka mundësinë te jete ‘game-changer’ për të lehtësuar arritjen e marrëveshjes me LVV apo te pozicionimit te saj te qarte kunder zyrtareve te LDK qe po bllokojnë marrëveshjen me LVV për arsye te egos dhe sedrës individuale.
LVV duhet ti përgjigjet këtij hapi te Vjosa Osmanit me kthimin ne tryezën e bisedimeve dhe prezantimin e ideve te reja se si mund te kurorëzohet marrëveshja për bashkëqeverisje me LDK. Tani nuk është koha për taktizime dhe veprime qe kënaqin militantet partiak. Tani është momenti për vendosmëri dhe veprime konkrete ne te mire te interesit te përgjithshëm për krijimin e qeverise se ndryshimit.
Rikthimi i Vjosa Osmanit është lajm i mire për LDK si e vetmja garacë për sukses ne qeverisje dhe zgjedhje ne te ardhmen, ka shkruar Vela në rrjetin social Facebook.
/InLajmi/
