Klubi Futbollistik “Llapi” ka vendosur që ta fus ‘fshesën’ në përdorim. Drejtuesit e klubit, së bashku me kryetrajnerin Tahir Batatina, tashmë e kanë mbajtur në mbledhje për të analizuar pjesën vjeshtore të kampionatit dhe kanë marrë disa vendime.
Llapjanët tashmë e kanë përpiluar listën e futbollistëve të cilët do të largohen gjatë afatit kalimtar të janarit.
Afrim Ademi, Ron Emini, Senad Husiç, Armin Mujkiç, Xhelil Abdulla, Argjend Mustafa, Blendi Memaj, Erijon Thaqi dhe Enis Zabërgja janë futbollistët të cilët priten që të largohen nga “Zahir Pajaziti”, mëson ekskluzivisht Gazeta “SHESHI”, raporton Gazetasheshi.com.
Lojtarët tashmë veçse kanë marrë konfirmimet nga drejtuesit e klubit se janë lojtarë të lirë për të kërkuar klube të reja, ndërkohë që lajmin për ndarjen e kanë zyrtarizuar deri më tani vetëm mbrojtësi tetovar Xhelil Abdulla dhe mesfushori prizrenas Blendi Memaj.
