Kryetari i komunës së Kamenicës, Qëndron Kastrati, ka reaguar pas rastit në Gjilan, ku një polic e vrau një qytetar.
Ai ka thënë se vrasja e qytetarit nga Muqiverci në orët e mëngjesit prej një pjesëtar i Policisë, i ka tronditur të gjithë, shkruan InLajmi.
Kastrati thotë se ky rast shpërfaqë padrejtësinë, pabarazinë që përjetohet nga individë më të pambrojtur të shoqërisë përballë atyre që zotërojnë pushtetin, e në rastin më flagrant – siç ishte rasti i sotëm – përballë policit që duhet të reflektojë e ofrojë siguri.
Postimi i plotë i tij:
Vrasja e qytetarit nga Muqiverci në orët e hershme të mëngjesit në Gjilan, prej një pjestari të Policisë së Kosovës na ka tronditur të gjithëve.
Ky rast shpërfaqë padrejtësinë, pabarazinë që përjetohet nga individë më të pambrojtur të shoqërisë përballë atyre që zotërojnë pushtetin, e në rastin më flagrant – siç ishte rasti i sotëm – përballë policit që duhet të reflektojë e ofrojë siguri. Ftoj organet e drejtësisë të trajtojnë rastin me seriozitetin më të lartë.
Familjes së të ndjerit i shpreh ngushëllimet më të sinqerta!/InLajmi