Presidenti i Shqipërisë, Ilir Meta, e ka dekoruar ministrin e Punëve të Jashtme, Behgjet Pacollin me dekoratën e lartë “Nënë Tereza”, shkruan InLajmi.
Kjo mirënjohje nga Ilir Meta erdhi si shpërblim për ndihmën që ka ofruar Pacolli për njerëzit e prekur nga tërmeti shkatërrues në Shqipëri.
Postimi i plotë i tij:
Për kontributin e spikatur humanitar dhe ndjeshmërinë e lartë të treguar ndaj popullit të Thumanës dhe të mbarë Shqipërisë, si shembull i solidaritetit kombëtar, pata sot kënaqësinë të vlerësoja me Dekoratën e lartë “Nënë Tereza”, politikanin, sipërmarrësin dhe filantropin e shquar të Kosovës, z.Behgjet Pacolli.
Mirënjohje dhe vlerësim për kontributin humanitar të gjithë familjes Pacolli!/InLajmi
