Presidenti i Kosovës, Hashim Thaçi i ka uruar deputetët e Legjislaturës së Shtatë për konstituimin e Kuvendit të Kosovës, shkruan InLajmi.
Ai në rrjetin e tij social Facebook ka shkruar se Kosova ka sfida të shumta përpara, që kërkojnë nivel të lartë të përgjegjësisë për t’i tejkaluar, prandaj u ka kërkuar që t’i lënë anash interesat politike dhe të formohen institucionet sa më shpejt.
“I uroj të gjithë deputetët e Legjislaturës së Shtatë për konstituimin e Kuvendit të Republikës së Kosovës, duke iu dëshiruar punë të mbarë në detyrat e tyre.
Republika e Kosovës ka sfida të shumta përpara, që kërkojnë nivel të lartë të përgjegjësisë për t’i tejkaluar, prandaj të gjithë të zgjedhurit e popullit duhet t’i lënë anash interesat politike dhe të punojnë për krijimin sa më të shpejtë të institucioneve të Republikës së Kosovës”, ka shkruar Thaçi./InLajmi/
