Ministria e Arsimit ka marrë vendimin që mësuesit duhet të rikthehen në shkolla duke filluar që nga dita e nesërme për të hartuar planin mësimor për nxënësit.
Të gjithë mësuesit, në përjashtim të atyre të Durrësit ku do ketë tolerime, duhet të kthehen në shkollat e përcaktuara nga bashkia për të zhvilluar takim në lidhje me ecurinë e planit mësimor pas kthimit të nxënësve në shkolla.
Ministrja Besa Shahini në një konferencë për mediat tha se zgjedhja nuk është opsionale dhe se takimet e mësuesve do monitorohen nga zyrat vendore arsimore.
“Mësuesit duhet të dalin në punë përpara se të vijnë nxënësit në mënyrë që të përgatisin gjithë procesin e rifillimit të mësimit.
Ky vendim për rifillimin e mësimit vlen vetëm për nxënësit. Mësuesit i presim në punë duke filluar nga nesër, me një fleksibilitet me mësuesit e qarkut të Durrësit që ndoshta jo të gjithë mund të paraqiten në shkolla.
Në shkollat që po riparohen mësuesit do takohen në një shkollë tjetër të afërt.
Drejtorët e shkollave të marrin informacion nga bashkitë respektive të marrin informacion nëse shkolla mund ti hapë dyert nesër për takimin e mësuesve dhe të planifikojë takimin në shkollën më të afërt, shkruan Ora News.
Kjo është e domosdoshme të bëhet për përgatitjen e rifillimit të mësimit. Paraqitja e mësuesve në shkollë nesër nuk është opsionale dhe zyrat vendore arsimore monitorojnë gjithë procesin e këtyre takimeve që do bëjnë mësuesit në shkollat respektive’, thote Besa Shahini.