Sot Komuna e Prishtinës ka hapur qendrën e parë të qëndrimit ditor për fëmijët në situatë rruge.
Kështu ka bërë të ditur, kryetari Shpend Ahmeti përmes një postimi në rrjetin social të tij në Facebook.
“Jam shumë i lumtur që sot, në bashkëpunim me Organizatën Terre des hommes – Kosovo (Tdh), hapëm Qendrën ? e qëndrimit ditor për fëmijë ?në situatë rruge.
Kjo qendër, e para e këtij lloji, është bazuar në modelin e shërbimeve të specializuara për fëmijët në situatë rruge, shërbimet për femijë që kanë nevojë për mbrojtje si dhe shërbimet e specializuara për fëmijët – viktima të abuzimit seksual, të zhvilluar enkas për Kosovë nga Tdh.
Qendra përmes ofrimit të shërbimeve të integruara, do të kontribuojë në mbrojtjen dhe mirëqenien e fëmijëve duke zvogëluar kohën që ata kalojnë në rrugë, drejtëpërdrejtë duke minimizuar kështu rreziqet e mundshme që u kanosen atyre mu për shkak të qëndrimit të gjatë në rrugë.
Qendra ditore do të ofrojë një ambient të ngrohtë ku këta fëmijë do të ndihen të sigurtë, do të kenë mundësinë të integrohen, përderisa në shërbime gjithashtu përfshihen shujtat ushqimore, lojrat edukative, socializimi e aktivitetet arsimore, si dhe këshillimi profesional.
#barazi #gjitheperfshirje dhe #mundesi për të gjithë fëmijët, pa dallim”, shkroi Ahmeti./InLajmi/
