Kryeministri në detyrë i Kosovës, Ramush Haradinaj, deklaroi se armatosja e vazhdueshme e Serbisë me pajisje ushtarake nga Rusia dhe Kina është kërcënim i drejtpërdrejtë për Kosovën, si dhe perspektivën Euro-Atlantike.
Përmes një postimi në rrjetin social të tij në Facebook, ai thotë se Serbia po vijon të armatoset me sisteme mbrojtëse ndërsa këtë e quan “çmenduri”.
“Armatosja e vazhdueshme e Serbisë me pajisje ushtarake nga Rusia dhe Kina (Pancirë, Sisteme të Mbrojtjes Ajrore, Dronë etj) është kërcënim i drejtpërdrejtë për Kosovën, paqen e brishtë në rajon, si dhe perspektivën Euro-Atlantike.
Serbia duhet ta ndalë këtë çmenduri para se të bëhet vonë”, shkroi Haradinaj./InLajmi/
