Ernesto Valverde nuk e ka ndërmend të japë dorëheqje nga posti i trajnerit te Barcelona, pas humbjes befasuese 3 me 1 nga Levante.
Trajneri, që ka fituar titullin me Barçën në dy sezonet e fundit, është pyetur pas humbjes nëse do të konsiderojë largimin, por ai menjëherë ka kundërshtuar një gjë të tillë.
“Sigurisht që nuk po mendoj për këtë, është vetëm një humbje. Duhet të reagojmë, e bëjmë gjithmonë këtë dhe nuk do të jetë më ndryshe këtë herë”, ka deklaruar ai, raporton Reuters. “Qëllimi ynë ishte të përpiqemi dhe të arrinim golin e dytë, pasi morën epërsinë, por s’ishim në gjendje të rrezikonim mjaftueshëm. Na mungoi organizimi në pjesën e dytë dhe kishim pak kontroll në lojë”, përcjell Ktv.
Pas 11 ndeshjeve këtë sezon, Barcelona prin me 22 pikë. Ajo ka realizuar shtatë fitore, ka një barazim e ka humbur tre herë.
