Një grua është gjetur pa shenja jete e shtrirë në rrugë tek lagjja ‘Bregu i Diellit’ në Prishtinë.
Këtë rast e ka konfirmuar zëdhënësja e Policisë për Rajonin e Prishtinës, Flora Ahmeti.
“Rreth orës 9 kemi pranuar informatën se në rrugën Hyzri Talla në Prishtinë është i shtrirë një person (Femër 1942). Menjëherë në vend të ngjarjes kanë dalë njësitet e nevojshme dhe ekipi mjekësor që ka konstatuar vdekjen e viktimës”, ka thënë Ahmeti, transmeton lajmi.net.
Ahmeti ka shtuar se me rastin po merren njësitet policor.
