Ambasada e Britanisë së Madhe në Kosovë ka lansuar sot projektin e saj që ka qëllim forcimin e Sistemit të Drejtësisë në Kosovë.
Ambasadori britanik, Nicholas Abbott u shpreh se ky projekt dëshmon angazhimin e shtetit të tij për një sistem të pavarur të drejtësisë në Kosovë.
”Lansimi i këtij projekti dëshmon edhe një herë angazhimin e ambasadës britanike për të qenë partnere e ngushtë për Sistemin e Drejtësisë në Kosovë. Shteti im ka interes që të mbështesë Kosovën në këtë rrugëtim. Kjo do të mundësonte që investitorët tanë vijnë të investojnë në Kosovë”.
Për këtë nismë të re që u lansua sot, Drejtori i projektit, Stive Pitts sqaroi në detaje temat që do të trajtojnë.
”Gjatë 4 muajve të para të projektit tonë kemi mbledhur informacione. Na është kërkuar të fokusohemi në 6 fusha, emërimet, avancimet, vlerësimet e informacioneve, llogaridhënia dhe transparencë”, tha ai.
Rreth lansimit të këtij projekti foli edhe Skënder Çoçaj, Kryesues i i KGJK-së, ndërsa tha se do të sigurojë llogaridhënie dhe transparencë brenda sistemit gjyqësor, transmeton Klan Kosova.
”Objektiv është aspekti i rekrutimit dhe fuqizimit sipas standardeve ndërkombëtare”, u shpreh ai.
