Hashim Thaçi, sot ka pritur ekipin e Forcës së Sigurisë së Kosovës, që ka marrë medaljen e argjendtë në garën ndërkombëtare “Cambrian Patrol” në Britaninë e Madhe.
Ai ka thënë se ushtarët tanë, në çdo garë ndërkombëtare, ata po arrijnë suksese duke dëshmuar kudo në botë aftësi, vigjilencë dhe profesionalizëm, shkruan InLajmi.
Postimi i plotë i tij:
“Ushtarët tanë, kudo në botë po dëshmojnë aftësi, vigjilencë dhe profesionalizëm. Në çdo garë ndërkombëtare, ata po arrijnë suksese. Ky ekip i mrekullueshëm i ushtrisë sonë, sivjet sërish arriti të fitoi medalje në një prej garave më prestigjioze botërore, në “Cambrian Patrol” të Britanisë së Madhe.
Në këtë garë ushtarake, ku morën pjesë 132 ekipe, prej të cilave 34 ekipe ishin nga shtete të ndryshme të botës, ekipi i Forcës së Sigurisë së Kosovës fitoi Medaljen e Argjendtë. Krenohemi me ushtarët e Republikës së Kosovës”. /InLajmi/