Pas filmit Zana dhe sukseseve të mëdha të tij, një tjetër prodhim vendor i bashkangjitet rubrikës së filmave në Cineplexx.
Eshtë fjala për filmin e ri të regjisorit Kushtrim Bekteshi, i cili pasi u shfaq në vendet fqinje, ku pati interes të madh, tash vjen edhe në Kosovë, dhe nga sot fillon shfaqjen e tij në Cineplexx, me dy orare shfaqjeje çdo ditë.
Një projekt filmi, i cili ka bërë bashkë aktorët nga Shqipëria, Maqedonia e Kosova, dhe producenti Përmeti vlerëson jo pak dhe punën që ka bërë regjisori Kushtrim Bekteshi. “Është punuar për një kohë të gjatë dhe me seriozitet për këtë projekt filmi, transmeton telegrafi.
Filmi paraqet jetën e zakonshme dhe të qetë të një fshati “të harruar” të cilën e ç’rregullon ardhja e tri prostitutave në kafenenë ilegale të dy vëllezërve makro. Burrat, edhe përkundër përpjekjeve të grave të tyre për t’i ndaluar, tërë kohën e kalojnë në kafene duke harxhuar paratë e fundit në alkool dhe seks. Në shkollë mbizotëron gjendje kaotike, xhamia mbetet pa besimtarë, dhe si pasojë e gjithë kësaj, gratë qohen në kryengritje.
