Flirtët Rama-Vuçiq-Hashim, për ndryshimin e kufijve, përkatësisht, bërjen e Serbisë hisedare e tokave të Kosovës, trazuan miqësinë Rama-Albin. Duke sulmuar Hashimin, një “selam”i dërgohej edhe Edvinit. Vërtet, “gjynahet”, mëkatet ishin të mëdha dhe heshtja e Albinit do të konsiderohej aprovim. Dhe, tani, për ta përtërirë miqësinë me kolegun e ideologjisë social-komuniste, Albini iu turr Evropës shfrenueshëm: “Është padrejtësi e BE-së mos hapja e negociatave me Shqipërinë dhe Maqedoninë e Veriut, sepse e kanë merituar dhe u takon”,- deklaroi falsifikueshëm e marrëzishëm Albini Kurti, për ta mbrojtur e shfajësuar kryeministrin aksidental e monstër Edvin Ramën.
Edhe pse bashkimin kombëtar të Albin Kurtit, shqiptarët e Shqipërisë londineze, apo siç i thonë të moshuarit, Shqipërisë Vjetër, asnjëherë nuk e kanë marrë seriozisht, megjithatë emri i Albinit lakohet me dashamirësi. Programi i tij super-social, në raport me pluralistët tjerë, në të dy shtetet tona, ka ngjallur njëfarë nostalgjie, sidomos tek partizanët e Enverit, duke harruar, paradoksalisht, edhe tollonët me rrjeshtimet pritëse, që nga orët e hershme , në gëdhirje të ditës, për të marrë një litër kos apo qumësht, në një kohë zezonë, kur gjiri i lopës dhe i nënave shenjtërore lindake, kishin shteruar, njëherësh!
Albini, me suitën e tij erdhi në Tiranë, për ta festuar fitoren me Bojkon Abazin dhe bojkenët tjerë. Gjatë kishin pritur, por, “erdhi dita”. Megjithatë, “më mirë vonë se kurrë”, thotë urtësia. Suita e tij bëri një karambol, ndeshje katërshe, përfshirë edhe makinën përcjellëse të policisë. Ky shoqërim, sipas premtimeve fushatore të Albinit, do të ishte normal, në rrugëtimin e një prokurori, por, jo edhe të liderit të Vetëvendosjes, kur dihet se Albini nuk ka probleme me kanunin. Për ndryshim nga shumë “komandantë”, të cilët kanë listuar për ekzekutim kundërshtarët politikë, përkatësisht, FARK-istët luftë bërës të Ibrahim Rugovës dhe veprimtarët e partisë-lëvizje gjithë popullore të LDK-së.
Jehonën e vizitës të Albin Kurtit e surdinoi, e zvetnoi refuzimi që Evropa e Bashkuar i bëri Shqipërisë, për hapjen e negociatave, bisedimeve më BE-në. Albin Kurti llustroi, më saktë, shkretoi, me atë urrejtjen e genit majtist, që ka për Evropën, Amerikën dhe kapitalizmin botëror. Dhe, kjo përkthehet së parimësia e tij është relative, makiavelizmi i tij është praktik, pavarësisht citateve rimuese dhe me një zhdërvjelltësi lakmuese, në përshtatje kohore e përmbajtjesore.
Edhe në jetën private të Albinit, është një vajzë kapitaliste, gjegjësisht, norvegjeze, si – Dhuratë e Perëndisë -, që ka begatuar , ka shtuar vlerën shpirtërore e jetësore të tij. Nusja e Albinit realizon të ardhura vjetore prej pak më shumë se 42.000 euro në vit. Shto këtu një banesë të bollshme luksoze. Rrjedhimisht, Albini bën një jetë, hiç më pak se mbretërore, në raport me standardin e sotëm të Kosovës.
Në kuadrin e një takimi të përafërt me Edvin Ramën, tashmë, të paralajmëruar nga Albini, ai bëri deklaratën paushall, hiç reale e llustër të regjimit cinik, harbut, monist e stalinist, të binomit rrugaçëror Edvin Rama e Erjon Velija, me banditërit e tyre.
Flirtët Rama-Vuçiq-Hashim, për ndryshimin e kufijve, përkatësisht, bërjen e Serbisë hisedare e tokave të Kosovës, trazuan miqësinë Rama-Albin. Duke sulmuar Hashimin, një “selam”i dërgohej edhe Edvinit. Vërtet, “gjynahet”, mëkatet ishin të mëdha dhe heshtja e Albinit do të konsiderohej aprovim. Dhe, tani, për ta përtërirë miqësinë me kolegun e ideologjisë social-komuniste, Albini iu turr Evropës shfrenueshëm:
“Është padrejtësi e BE-së mos hapja e negociatave me Shqipërinë dhe Maqedoninë e Veriut, sepse e kanë merituar dhe u takon”,- deklaroi falsifikueshëm e marrëzishëm Albini Kurti, për ta mbrojtur e shfajësuar kryeministrin aksidental e monstër Edvin Ramën.
Vërtet, Evropa dhe bashkë me atë edhe Amerika, kanë mikëluar, krejt pameritueshëm, Ramën e Shqipërisë dhe ramoshët e Kosovës. Tolerimi i qeverive-banda të “Rilindjes” socialiste të Ramës dhe të bandës PAN në koalicion të Kadrisë me shokë, është unik. Për qeveritarët monstrumër të Kosovës, edhe mbështetja e Serbisë ka qenë vendimtare, qoftë në krijimin e qeverisë, qoftë në vazhdimin e qeverisjes të saj fatale.
Mbrojtja e përsëritur e Ramës se “janë probleme të BE-së, mos pranimi i i Shqipërisë”, është sa i pa bazë reale, aq edhe i turpshëm. Shqipëria nuk ka plotësuar kushtet. Korrupsioni dhe krimi ka pllakosur Shqipërinë. Vettingu në drejtësi, është një mashtrim i madh i Ramës. Sistemi i drejtësisë, ka qenë dhe mbetet i dështuar në Shqipëri. Milionat e lekëve shqiptarë, për ta paguar lirinë, duke i zhvlerësuar dhe hiçësuar krimet faktike, fajësinë, e kanë bërë paçavure Vettingun e Ramës, shkruan botasot.
Në Evropë shkohet vetëm duke ndërtuar standarde evropiane. Ndërkohë, kryeministri shqiptar, Edvin Rama, rrënoi pluralizmin në Shqipëri, pas afro tri dekadash demokraci, rast unik në historinë e demokracisë dhe të pluralizmit ballkanik dhe evropian. Kosova, në përgjithësi, dhe Albini, në veçanti, duhet të këtë kujdes nga aleancat e mykura, qoftë edhe me ato të Shqipërisë nënë. Djemtë bastardë të saj e kanë turpëruar, molisur, deri në përtokje, Shqipërinë kryezonjë të Naimit, Konicës, Fishtës…