Albin Kurti, kryetari i Lëvizjes Vetëvendosje dhe Kryeministri në pritje i Kosovës, tregoj për takimet të cilat i bëri sot me personalitetet më të ngritura të shtetit Gjerman. Dhe në të gjitha këto takime të tij si temë diskutimi kishte raportin Kosovë-Gjermani drejt bashkëpunimeve në shumë fusha që e presin qeverinë e ardhshme të Kosovës.
Kurti po ashtu u shpreh se Gjermania çdo herë e mbështetë Kosovën, pa marrë parasysh sfidat që do i ketë.
Postimi i tijë i plotë:
“Në ditën e dytë të qëndrimit në Berlin takova këshilltarin kryesor për politikë të jashtme dhe siguri të Kancelares Merkel, z. Jan Hecker. Më pas vizitova edhe Ministrinë e Punëve të Jashtme të Gjermanisë për takimin me z. Jens Uwe Plötner, Drejtor Politik. Ndërkaq, në Bundestagun gjerman takova dy deputetë të SPD-së, z. Fritz Felgentreu dhe z. Nils Schmid.
Në të gjitha këto takime diskutuam për marrëdhëniet bilaterale Kosovë-Gjermani, si dhe për sfidat e qeverisë së ardhshme në fushat e drejtësisë, ekonomisë, integrimeve evropiane dhe të dialogut me Serbinë. Kosova te Gjermania e ka partnerin e mirë për shtetndërtim demokratik, sundim të ligjit dhe zhvillim të gjithëmbarshëm” tha Kurti.
