Çmimi special i Festivalit i takoi Teatrit shqiptar nga Kumanova, për komedinë, “As andej, as këndej”.
Kjo komedi i produksionit DVSH nga Tirana, ishte një sihariq për publikin preshevar dhe mysafirët e shumtë në sallën e mbushur të Shtëpisë së kulturës “Abdulla Krashnica”, në natën e V-të, (të fundit), të Festivalit, “Ditët e Komedisë Shqiptare” në Preshevë.
“Nuk dēgjoj, nuk shikoj, nuk flas” i autorit grek Jorgos Theodosiadis, në regji të Donard Hasani dhe Valdrin Hasani nuk është vetëm një komedi që e bënë publikun tĕ qeshet me batutat e tre personazheve, të cilët bashkëjetojnē në një apartament, por ajo në vete i bartë dramat e brendshme të çdonjërit prej tyre, që janë me aftësi të ndryshme tē kufizuar, në përpjekjen për njē jetë normale, për dashuri dhe punë sikur të tjerët, duke i dhënë shoqërisë dhe meseve ku jetojnë mesazhe sensibilizuese për ta mbështetur këtë kategori, të njerëzve.
Vin Bejleri në rolin e Spithas, një poet që nuk flet, Romir Zalla në rolin e Jakovit, një kuzhinier që nuk dëgjon dhe Alert Çeloaliaj, në rolin e Theofanit, qĕ nuk sheh, bashkē me Jorida Meta, në rolin e Elpidas, sĕ bukur, me lojën e tyre të shkëlqyer e të koordinuar për mrekulli nga regjisorët Donard Hasani dhe Valdrin Hasani, për afro dy orë me peripecitĕ e tyre komike, publikun në sallë e mbajtën nën ethet e gëzimit, ëndërrave, pasioneve dhe të dashurisĕ së marrosur ndaj Elpides, e cila që nga momenti kur hyri në apartamentin e tyre, i trazoi shpirtrat e tre shokĕve të cilët më parë kuptoheshin mirë, e plotēsonin njēri tjetrin dhe jetonin si të mos kishin asnjë aftësi ndryshe nga gjithë të tjerët.
Ata marrosen pas saj, pa e ditur se e dashurojnë të njëjtën grua dhe normaliteti në apartamentin e tyre, tronditet pikërisht kur ajo hyn aty dhe tre shokët përballen me këtë të vërtetë. Dhe, nëpërmjet peripecive komike, në shpalosjen e dashurisē, secili përpiqet që ta bëjë Elpidën për vete, duke e bërë dhe publikun të jetojë qoftë edhe për pak momente me ankthin, pasionet, gëzimin dhe dëshirat e tyre!…
Ndaj edhe Juria në përbërje; Kastriot Çipi regjisor, Elmaze Nura regjisore dhe Edi Kastrati aktor, me plot të drejtë komedinē “Nuk dëgjoj, nuk shikoj, nuk flas”, e shpalli shfaqja më e mirë i edicionit tĕ XV-të, të Festivalit “Ditët e komedisë shqiptare” nē Preshevë, sikur që Donard Hasani dhe Valdrin Hasani, morrën Çmimin “Agron Boriçi”, për regji më të mirë të këtij edicioni.
Poashtu Juria i shpërbleu edhe aktorët më të mirë për rolet kryesore dhe ata nĕ rolet dytësore. Kurse çmimi special i Festivalit i takoi, Trupës sĕ mrekullueshme të Teatrit nga Kumanova. Osman Goranci/InLajmi
