Kryeministri në detyrë i Kosovës, Ramush Haradinaj vdekjen e veteranit të UÇK-së, Halil Canollit e quan si humbje të madhe historike për Kosovën.
“Në memorien tonë, Halili dhe çlirimtarët, ndër breza do ta kenë gjithmonë vendin e veçantë dhe respektin për sakrificën sublime, për Kosovën shtet”, thotë Haradinaj.
Më tutje Haradinaj ngushëllon familjarët dhe miqtë e të ndjerit. /InLajmi/
Postimi i tij i plotë në rrjetin social facebook:
Kosova humbi sot një nga figurat e çmuara të historisë së re, veteranin e UÇK-së Halil Canollin, babain e dëshmorit të kombit, heroin Basri Canolli – Shpendi.
Baca Halil dhe familja e tij dhanë shumë për lirinë e vendit dhe ndërtimin e shtetit të Kosovës.
Në memorien tonë, Halili dhe çlirimtarët, ndër breza do ta kenë gjithmonë vendin e veçantë dhe respektin për sakrificën sublime, për Kosovën shtet.
Ngushëllime familjes dhe miqve.
Pusho i qetë Halil Canolli!
RH
