Sot, 15 vjet më parë, Lionel Messi bëri debutimin e tij në La Liga për Barcelonën. Që nga ajo koha, loja e futbollit nuk ka qenë kurrë e njëjtë.
Messi kishte hyrë në fushë për Barcelonën në një miqësore kundër Portos të Jose Mourinho, në moshën 16 vjeç, katër muaj dhe 23 ditë, më 16 nëntor 2003, dhe ai tashmë po dilte te Barcelona B.
Megjithatë, nuk vonoi shumë dhe Messi e gjeti debutimin edhe me ekipin e parë të Barcelonës, ku pas vetëm një seance stërvitore bëri që Ronaldinho të besonte se argjentinasi do ta tejkalonte atë.
16 Tetori 2004 është data kur e pa Messin të bëjë debutimin në ekipin e parë. Në një derbi kundër rivalëve katalunas të Espanyolit, me 34.400 tifozë, fituesi i pesëfishtë i Topit të Artë hyri në lojë në minutën e 82-të, duke zëvendësuar portugezin Deco dhe duke bërë një paraqitje të ndritshme.
15 vjet nga ajo kohë dhe argjentinasi vazhdon të shkëlqej, pavarësisht se tani është në të 30-tat. Nuk ka shumë statistika dhe rekorde që ai nuk i ka thyer për gjigantët katalunas apo në futboll në përgjithësi dhe ai vazhdon të shkëlqejë.
Që nga debutimi i tij te Barcelona, Messi ka vazhduar të shënojë 604 gola dhe 233 asistime në 692 paraqitje, transmeton Telegrafi.
Ai ka fituar 10 tituj të La Ligës, gjashtë Copa del Rey, katër Liga të Kampionëve dhe tre Kupa të Botës të Klube, duke çimentuar vendin e tij si lojtari më i madh i Barcelonë dhe mbase më i miri që ndonjëherë ka luajtur.
