Nëse e ndjeni që me ardhjen e vjeshtës, flokët tuaj janë bërë më të thatë dhe elektrizohen më kollaj, jeni në artikullin e duhur.
Do t’ju propozojmë një maskë për flokë të thatë të përgatitur në shtëpi e cila është në gjendje t’i drejtojë, t’u japë volum dhe t’i ushqejë në thellësi, percjell klankosova. Përbërësi bazë është avokado i cili falë sasisë së lartë të vitaminave është në gjendje të fortifikojë skalpin e kokës.
Më poshtë mund ta kuptoni se si duhet ta përgatisni këtë maskë hap pas hapi.
Përbërësit që ju duhen:
- Gjysmë avokado
- Gjysmë banane
- 2 lugë kafeje uthull balsamike
- 2 lugë kafeje vaj ulliri ekstra të virgjër
- 1 lugë kafeje vaj speci djegës
- Pak kanellë
- 10 pika vaj esencial limoni
- 10 pika vaj esencial rozmarine
- 1 vezë
Përgatitja e maskës:
Pasi të keni shtypur në një tas bananen dhe tulin e avokados, shtoni vezën dhe gjithë përbërësit e tjerë. Kalojeni përbërjen në blender derisa të homogjenizohet mirë.
Aplikojeni maskën në gjatësitë dhe majat e flokëve dhe lëreni të pushojë për 30-60 minuta. Shpëlajeni maskën dhe lani flokët me shampo si zakonisht.
Këshillë: Bananja nxihet shpejt, kështu që maska duhet përgatitur dhe aplikuar menjëherë.
