Kanë vijuar për të tretën ditë radhazi sulmet e ushtrisë turke ndaj militantëve kurdë sirianë brenda territorit sirian. Si pasojë e këtyre sulmeve të ashpra qindra persona janë vrarë dhe mijëra të tjerë kanë braktisur banesat e tyre duke bërë që dhe establishmenti në Uashington të kthehet kundër presidentit Donald Trump.
Që pasi Trump tërhoqi trupat amerikane pas një një telefonate me homologun turk Erdogan, inkursioni hapi një front të ri luftimesh në luftën civile 8 vjeçare në Siri dhe tërhoqi kritikat e shumë faktorëve ndërkombëtarë.
“Kemi një zgjedhje nga 3 mundësi: Të dërgojmë mijëra trupa dhe të fitojmë ushtarakisht, të godasim Turqinë me sanksione të ashpra ekonomike ose të ndërmjetësojmë një marrëveshjes mes Turqisë dhe kurdëve”, shprehej kreu i Shtëpisë së Bardhë në një postim në rrjetet sociale.
Ministria e Brendshme e Turqisë bën me dije se në 3 ditë nga nisja e ofensivës në qytetet kufitare siriane janë vrarë 277 militantë dhe një ushtar. Ankaraja zyrtare gjithashtu deklaron se do të krijojë dhe një zonë të sigurt për rikthimin e mijërave refugjatëve në Siri.
