Valmir Elezi nga KQZ, në një konferencë për medie ka bërë të ditur se procesi i rinumërimit ka filluar në disa qendra të vendvotimeve.
“KQZ po publikon formularët e vjetër për shkak transparencës për të parë ndryshimin. KQZ varet prej procedurave ligjore dhe hapësirës që kemi në QNR. Kemi 22 tavolina numëruese, andaj duhet gjithçka të kryhet sipas procedurave ligjore. Më rëndësi është saktësia e procesit dhe jo shpejtësia”, tha Elezi.
Lidhur me kërkesen e Nismës për rinumërim, KQZ pranon se e kanë dorëzuar kërkesën, raporton InLajmi.
“Është dorëzuar në protokollin e KQZ-së”, tha ai.
Ai gjithashtu tha se shpejtë do të fillojë edhe rinumërimi i votave me kusht dhe atyre të diasporës.
“Po besojmë që gjatë javës së ardhshme do të fillojmë procesin e numërimit të votave me kusht, të diasporës dhe atyre të personave me nevoja të veqanta”, ka shtuar Elezi.
Deri tani sipas KQZ-së janë numëruar 55 vendvotime.
