Shefi i Lidhjes Demokratike të Kosovës, Isa Mustafa ka konfirmuar se partia e tij dhe Lëvizja “Vetëvendosje” do të vazhdojnë konsultat për krjimin e qeverisë së re. Mustafa, pas takimit që zhvilloi me një delegacion të CDU-së nga Gjermania, theksoi se LDK-ja pret ceritikfimin final nga KQZ-ja.
“Sa I përket procesit zgjedhor e njoftova se ky proces ende s’ka përfunduar. Momentalisht jemi dy partitë që kemi dalë të parat, LDK dhe VV, me një dallim të vogël. Pas certifikimit, numrit të gjitha votave, shpallet fituesi. Ne si parti gjatë fushatës zgjedhore objektiv e kemi pas zhvillim ekonomik, luftën kundër krimit dhe korrupsionit, rikthimin e relacionet me BE-në dhe Amerikën”, deklaron Mustafa.
Mustafa u shpreh se me VV nuk ka ngrirje të raporteve, vetëm se po presin certifikimin e rezultateve nga KQZ për shpalljen e fituesit.
“Në kryesi nuk ka vendim të ngrihet asgjë vetëm jemi marrë vesh që marrëveshja përfundimare mund të ndodhë në momentin kur certifikohen rezultate, deri atëherë do kontaktojmë dhe do shohim që çështjet e hapura ti zgjidhim, sa i përket partisë së parë, atë parti që KQZ e vendos të parën me certifikim të rezultateve ajo parti do dalë e para për qeverisje, ka shtuar Mustafa.
Të njejtën e tha edhe kandidatja për kryeministre nga LDK, Vjosa Osmani.
“Disponimi në kryesi ka qenë i mirë nuk ka pasë marrëveshje me u ngri asgjë. Është normale pasi në cdo vend demokratik çdo parti serioze e pret rezultatin final”.
Ndërsa deputeti i CDU-së Volkmar Klein, tha se pret nga LDK të angazhohet në vazhdimin e dialogut Kosovë-Serbi, raporton InLajmi.
“Procesi zgjedhor nuk ka përfunduar akoma por unë i përgëzoj qytetarët që janë fokusuar në programet qeverisëse ku Ldk ka marrë veprime në këtë drejtim. Na gëzon faktin që Ldk po fokusohet në zhvillimin ekonomik, luftimin kundër krimit të organizuar dhe korrupsionit, jemi të lumtur që kemi mundësinë të vazhdojmë të bashkëpunojmë në këtë drejtim, për të krijuar kushte të mira dhe se pjesë vazhduese e kësaj është dialogu me Serbinë”, tha Klein.
