Muret e objekteve të ndërtesave të caktuara të Prishtinës, ditëve të fundit, kanë marrë frymë me pamje shumëngjyrëshe. Shumica e objekteve në kryeqytet të cilat ishin me shkrime dhe figura banale tashmë kanë filluar të ndryshojnë pamje dhe kjo, falë iniciativës së artistes, Fitore Berisha e cila i ka realizuar këto murale artistike.
Muralet tashmë kanë filluar të aplikohen në gjithë Kosovën por një vepër e fundit nga artistja Berisha u bë shumë e pëlqyer, murali në rrugën “Rexhep Luci” në Prishtinë për temën ka “Zogun e lirë” të bashkangjitur me poezinë e Eli Krasniqi, “Me presin shoqet”e që njëkohësisht është shoqe e ngushtë e artistes.
“Puna e parë me muralet ka qenë qysh në moshë të re. Edhe pse e kam përfunduar akademinë e artit i kisha dy fëmijë dhe nuk kisha shumë hapësirë që të dëshmojë vetën si artiste”, tha Fitore Berisha.
Po ashtu artistja ka jetuar e vepruar në disa vende të ndryshme të botës. Krahasimin e artit të Kosovës me atë botërorë më së mirë na e tregon vetë ajo. E cila me mallëngjim tregon një pjesë të historisë nga jeta artistike.
“Gjatë qëndrimit tim në Filandefija u njoftova me murale dhe tekniken se qysh krijohen muralet. Atje vendosa që kur të kthehem në Kosovë, dua që të dëshmojë vetën si artiste duke i dhuruar artit të Kosovës një frymë të re. Pas shumë sakrificave ishte viti 2002 kur u riktheva në Kosovë, dhe që nga atëherë kam krijuar ekipin tim me student-artist dhe nuk jam ndalur asnjëherë duke krijuar artë, për vendin tim. Dua të theksoj se ekipi im kishin drejtimin e studimeve për grafik, por me shumë punë ia kemi dal të profesionalizojmë artin e muraleve” shtoi artistja.
Po ashtu mbështetësit më të mëdhenj i kishte nga OJQ-ët ndërkombëtare, Komunën e Prishtinës dhe disa banka në Kosovë. Ajo ndër të tjera tha se kishin mungesa në veglat dhe produktet elementare për të punuar veprat prej arti në mure. Por shpresa dhe vullneti nuk i kishte ndalur asnjëherë. Andaj çdo herë ka lën gjurmë me veprat e saj.
Ajo tregon se numri i veprave artistike në murale gjithsej janë katër, duke e përfshi edhe atë të fundit në rrugën “Rexhep Luci”, pran Sheshit në kryeqytet. Artisten nuk e ndal askush së krijuari artë në vazhdimësi, aty ku e sheh syri se duhet të ndërhyjë dora e saj.
“Projekti i parë ka qenë tek Fakulteti Filologjikë e cila ka simbolin e rinisë, ku përmes duarve shihet qartë barazia në mes njerëzve. Pas dy muaj punë intensive gjatë të cilës kam qesh e kam qajt, për mua ishte shumë i rëndësishëm si projekt i parë mandej prej aty e kemi bërë moralin e dytë, në muret afër spitalit e cila ka qenë punë më e lehtë, aty e kemi bërë një lojë të fluturave që ka kuptimin e rilindjes si popull. Kurse Morali i tretë ka qenë të te Ministria e Kulturës ku është një sportist tu vrapu”, tha ajo.
Islanda po ashtu ka qenë një mundësi për t’a shfaqur vetën si artiste duke punuar në murale dhe ekspozita të ndryshme.
Ajo më tutje tregon se përveç punës së muraleve në hapësira publike punon dhe në hapësira private në të cilat ka shumë oferta. Murali në hapësirat private është në një kafe të Prishtinës, ku shfaqen tri femra të fuqishme me role dhe karaktere të ndryshme: e para Mbretëresha, e dyta një femër me Brina- e egër dhe e treta Sensitive.
“Unë jam lidh me programe evropiane dhe unë do të jem në Norvegji për arte publike me 3D sepse deri tani kam punuar në 2 D. Murali i radhës ka me qenë në verën e vitit që vjen dhe do të jetë provokim ndaj Unionit Evropian sepse mu po më dhemb në shpirt që të rinjtë me shumë potencial nuk po mund të dalin jashtë Kosovës, që të frymëzohen drejtë artit profesional dhe shoqërimit me artist nëpër botë”, shtoi artistja Berisha.
Po ashtu dashuria për vendlindjen e ka bërë që ta zhvillohet si artiste profesioniste dhe të bëhet e famshme tek ne.
Muralet janë forma më e mirë e të shprehurit artistik ku mund të kenë çasje të gjithë.
“Ekskluzive për portalin tuaj InLajmin, dua të ju tregoj se dëshira ime është mu rikthye në Kosovë dhe të bëjë më të mirën për artin. Po ashtu artin të cilin do të e aplikoj në vendin tim është gërshetimi i artit tradicional me modernen për arsye që kultura dhe tradita nuk duhet të harrohet. Mesazhi im për fund është se artistët e rinj janë shumë të mirë por duan mbështetje nga shteti. Prishtinën e shoh me shumë ngjyra, një Prishtinë të buzëqeshur e shumë të bukur”, përfundoj artistja. /Intervisten e realizoi Dona Gashi/
