Kryetari i LëvizjesVetëvendosje, Albin Kurti, priti sot në takim ambasadorin zviceran, Jean-Hubert Lebet.
Jean Hubert Lebet, e uroi kryetarin Kurti për rezultatin zgjedhor dhe për fushatën që adresoi me sukses shqetësimet e qytetarëve.
Kryetari Kurti e njoftoi se prioritet i qeverisë së re do të jetë shtetndërtimi demokratik me sundim të ligjit e luftim të korrupsionit, zhvillimi ekonomik për punësim dhe ndryshimet aq të nevojshme në shëndetësi, arsim, e kujdes për ata që kanë më së shumti nevojë, thuhet në postimin e Lëvizjes Vetëvendosje .
Në mbyllje të takimit, u shpreh interesimi për kontakte dhe takime bashkëpunuese në të ardhmen, raporton InLajmi.
