Vjosa Osmani: Falënderon të gjithë ata që e përkrahën

Vjosa Osmani nga Lidhja Demokratike Kosovës ka shkruarn në faqen e saj në face book se sot 20 vjet është bërë pjesë e Lidhjes Demokratike tën Kosovës.

Osmani ka thënë se Deri tani, ishte një rrugëtim i jashtëzakonshëm, përgjatë të cilit ka takuar mijëra gra e burra, vajza e djem, qytetarë të mirë të këtij vendi qëe kanë mbushur plot shpresë për të ardhmen.

Vjosa Osmani i falënderon të gjithë që e përkrahën e besuan te ajo, si dhe të gjithë aktivistët e veprimtarët që kurrë nuk reshtën së punuari me vetëmohim.

Ky është postimi i plotë:

Të dashur qytetarë të vendit tim,

Këtë vjeshtë janë mbushur plot 20 vjet që jam bërë anëtare e LDK-së dhe gati po aq që kam shërbyer në institucionet e vendit tim. Ka qenë rrugë jo e lehtë, plot pengesa e sfida, sikur për shumë të rinj e të reja në vendin tonë. Deri tani, ishte një rrugëtim i jashtëzakonshëm, përgjatë të cilit kam takuar mijëra gra e burra, vajza e djem, qytetarë të mirë të këtij vendi që më kanë mbushur plot shpresë për të ardhmen. I falënderoj miliona herë, nga thellësia e zemrës, të gjithë që na përkrahën e besuan në ne, si dhe të gjithë aktivistët e veprimtarët që kurrë nuk reshtën së punuari me vetëmohim. Arritëm që të gjithë së bashku, por për një kohë tejet të shkurtë prej vetëm një muaji, ta ringrisim LDK-në në një rezultat që nuk e kishte nga viti 2004. Por, na mbetet edhe shumë punë për të bërë, edhe shumë sfida për të kaluar, e ato mund t’i kalojmë vetëm së bashku.