Kryeministri në detyrë i Republikës së Kosovës, Ramush Haradinaj, u taku me Arne Sannes Bjørnstad, përfaqësuesin Special për Ballkanin Perëndimor nga Ministria e Punëve të Jashtme e Norvegjisë – Departamenti i Evropës Juglindore, kjo u bë e ditur nga vetë Ramushi përmes një postimi në rrjetet sociale, shkruan /InLajmi/
Haradinaj temë diskutimi për përfaqësuesin Special Bjørnstad kishte mbarëvajtjen e procesit zgjedhor në Kosovë, duke i treguar se Kosova gjatë këtyre zgjedhjeve u tregua e drejtë, demokratike dhe shumë fer. Me këtë gjest Kosova ka treguar se është më pranë se kurrë partneritetit me Evropën.
Ai më tutje kërkon mbështetjen e Norvegjisë në rrugëtimet që do të i ketë Kosova më tutje. Por nuk harroj dhe rëndësinë e vazhdimit të dialogut që për të është proces i rëndësishëm për Kosovën dhe stabilitetit e saj. /InLajmi/
Postimi i plotë nga facebook: Ramush Haradinaj
“Diskutim i hapur dhe shumë miqësor me përfaqësuesin Special për Ballkanin Perëndimor Arne Sannes Bjørnstad nga Ministria e Punëve të Jashtme të Norvegjisë.
Në takimin bilateral me z. Bjørnstad, diskutuam mbi dinamikën e ardhshme të bashkëpunimit tonë, si rrjedhojë e një raporti të shkëlqyer deri tani me shtetin norvegjez, i cili ka qenë një partner i rëndësishëm i Kosovës në vazhdimësi.
Potencova faktin se Kosova me nivelin e treguar në zgjedhjet e 6 tetorit, në një proces kaq demokratik, fer dhe të drejtë, ka dëshmuar që është partner i Evropës, me të drejtë i takon kësaj familje të madhe dhe në këtë rrugëtim tonin, kërkojmë mbështetjen e Norvegjisë.
Theksova po ashtu rëndësinë e vazhdimit të dialogut me Serbinë, pa kushte, si proces i rëndësishëm për njohje reciproke, në kufijtë ekzistues dhe stabilitet në rajon”.
RH
