Ambasadori amerikane në Prishtinë, Philip Kosnett, ka takuar edhe kryetarin e LDK-së, Isa Mustafa. Kjo u bë e ditur nga vetë Mustafa përmes një postimi në facebook. Temë diskutimi ka qenë procesi zgjedhor i Zgjedhjeve nacionale por u përmend edhe dialogu Kosovë-Serbi që sipas Kosnett, rajonit do i sjellë stabilitet të qëndrueshëm, /InLajmi/.
Njoftimi i plotë i LDK-së:
Sot, kryetari i LDK-së, Isa Mustafa është takuar me Ambasadorin e SHBA-ve në Kosovë, Philip Kosnett.
Gjatë këtij takimi është diskutuar për procesin zgjedhor në Zgjedhjet nacionale 2019.
Kryetari Mustafa shprehu mirënjohjen dhe falënderimin e veçantë për mbështetjen e vazhdueshme që i kanë dhënë SHBA-të Kosovës.
Ambasadori Kosnett ishte i kënaqur me atë se sa mirë shkoi procesi zgjedhor, me daljen e lartë në votime, dhe për faktin se kishte aq shumë përqëndrim në çështjet për të cilat shqetësohen votuesit. Ai tha se pret një përqëndrim të ripërtërirë në përparim kundër korrupsionit, në ekonomi, dhe në dialog me Serbinë drejtë arritjes së një marrëveshjeje gjithëpërfshirëse që do të sjellte stabilitet dhe paqë të qëndrueshme në rajon
Në takim të pranishëm ishin nënkryetarët z. Agim Veliu, znj. Vjosa Osmani, z. Lutfi Haziri dhe anëtarja e Kryesisë, znj. Vlora Dumoshi.
