Për zgjedhjet e parakohshme në Kosovë, janë kujdesur edhe disa medie serbe që të raportojnë në kohë.
Gazeta serbe “Blic”, ka raportuar për votimet e Radiç dhe Simiç, si dhe ka raportuar për plan programin e Policisë së Kosovës, raporton InLajmi.
Shërbimi Policor i Kosovës, ka njoftuar më parë se ka hartuar një plan operacional, një plan zgjedhor, një plan ditor zgjedhor, dhe një plan pas zgjedhjeve në lidhje me shpërndarjen e materialeve zgjedhore nga qendrat zgjedhore në KQZ”, shkruan Blici serb.
Një tjetër portal serb ka raportuar për qytetarët e Mitrovicës, duke i informuar se janë gjithsej 27 vendvotime.
“Qytetarët e Mitrovicës së Veriut do të votojnë në 27 vendvotime, me gjithsej 22.457 votues të regjistruar. Ato janë shpërndarë në shtatë qendra votimi, brenda të cilave janë 27 vendvotime, dy prej tyre janë objekte private dhe pjesa tjetër janë shkolla. Qytetarët në Kosovë sot zgjedhin 120 deputetë për një parlament në të cilin serbëve u garantohen 10 vende parlamentare”, shkruan portali serb.
Përveq tyre, kanë raportuar edhe disa medie të tjera.
“Në zgjedhje marrin pjesë gjithsej 25 lista, katër prej të cilave përfaqësojnë komunitetin serb, përkatësisht Listën Serbe, Partinë Serbe të Kosovës nga Leposaviq, Koalicionin e Lirisë me bazë në Graçanicë dhe Partinë e Pavarur Liberale nga Graçanica”, shtojnë mediet serbe.
