Zgjedhjet e parakohshme u zhvilluan gjatë ditës së sotme në Kosovë.
Sipas informacioneve të Komisionit Qendror Zgjedhor deri në ora 19:00, përqindja e daljes në votime ishte 43.42 përqind.
Gjatë ditë së sotme ka pasur disa parregullsi, nëpër disa qendra të vendvotimit. Përqindja më e madhe e daljes në votime gjatë ditës së sotme ishte në komunat me shumicë serbe si dhe në kryeqytetin e Prishtinës.Dalja më e madhe në këto zgjedhje ishte pikërisht në komunën e Prishtinës me 58.70%.
Disa nga parregullsitë sipas raportit të Policisë ishin në komunën e Prishtinës, Rahovecit, Graçanicës dhe disa komuna të tjera. Ku në shkollën “Faik Konica” në Prishtinë, është ndërprerë votimi me kusht për shkak të mungesës së zarfeve. Në Rahovec dhe në Gjilan ka pasur të arrestuar, kurse në disa qendra të tjera ka pasur probleme teknike, mungesë të komisionerëve, zëvendësim i komisionereve, mungese e fletvotimeve, kurse disa qytetarë janë ankuar edhe pë problemet me sprejin me pretekstin qe i është transmetuar në duar ende pa votuar, raporton InLajmi.
