Mbi vendin tonë parashihet të jetë mot i ndryshueshëm me shumë mundësi për reshje shiu, por me rritje të temperaturave të lehta.
Sipas njoftimit të Prishtina Weather, temperaturat do të mbeten nën vlerën mesatare.
“Në fundjavë vendi ynë mbetet në periferi të fushave të presionit të ulët që ndodhen mbi Europën qendrore dhe lindje të kontinentit. Nën këto kushte do të mbajë mot i ndryshueshëm, me mundësi për riga lokale shiu”, thuhet në njoftimin e Prishtina Weather.
Temperaturat e ajrit të shtunën do të shënojnë rritje të lehtë, e më pas gradualisht do të pësojnë rënie. Minimalet do të luhaten nga 5C deri në 7C, e maksimalet nga 14C deri 17C. Nga mesi i javës së ardhshme pritet të shënojnë rritje më të theksuar./ InLajmi/
