Presidenti i Kosovës, Hashim Thaçi në përmes një postimi në rrjetin social facebook, ka shkruar se e përkrah emërtimin e Ambasadorit Richard Grenell si i dërguar i Presidentit Trump për dialogun Kosovë-Serbi, transmeton InLajmi.
Thaçi ka thënë se kjo është edhe një tjetër dëshmi që Presidenti Trump dhe shteti Amerikan qëndron pran nesh në çdo hap të rëndësishëm për Kosovën.
Ai po ashtu shtoi se ky është një lajm i mirë për të gjithë rajonin që angazhohen për paqe dhe një jetë më të mirë në Evropën Juglindore./InLajmi/
Postimi i plotë:
E mirëpres emërimin e Ambasadorit Richard Grenell si i dërguar i Presidentit Trump për dialogun Kosovë-Serbi.
Ky emërim është një tjetër dëshmi që Presidenti Trump, administrata amerikane, tërë shteti amerikan, qëndrojnë pranë nesh në çdo hap të rëndësishëm.
Tash jemi edhe më konfident në procesin e dialogut dhe në mundësinë që të arrijmë njohjen nga Serbia dhe anëtarësimin në Kombet e Bashkuara, dhe kështu ta përmbyllim konsolidimin ndërkombëtar të shtetit tonë.
Ky është lajm i mirë edhe për rajonin si dhe të gjithë ata që angazhohen për paqe të qëndrueshme, për zhvillim, për jetë më të mirë për të gjitha shtetet në Europën Juglindore.
E kemi thënë gjithmonë dhe besojmë gjithmonë se jemi me fat që kemi përkrah Shtetet e Bashkuara të Amerikës. HTH
