Policia e Kosovës përmes një komunikate për media ka raportuar se ka sekuestruar nëntë barnatore në Prizren me ç’rast janë sekuestruar rreth njëqind e tridhjetë njësi barna pa banderola.
Përmes një bashkëpunimi me inspektoratin farmaceutik dhe zyrtarët e dogbanes Policia ka realizuar me sukses kontrollën në bazë të dyshimit për veprën penale “Prodhimi dhe shpërndarje e produkteve të dëmshme mjekësore”.
“Njësiti për Hetimin e Krimeve Ekonomike dhe Korrupsionit në Prizren, në bashkëpunim me inspektoratin farmaceutik dhe zyrtarët e doganës, ka realizuar urdhër kontroll në nëntë (9) barnatore në rajonin e Prizrenit, mbi bazën e dyshimit të arsyeshëm për veprën penale: “Prodhimi dhe shpërndarja e produkteve të dëmshme mjekësore”. Gjatë kontrollit janë gjetur dhe sekuestruar rreth njëqind e tridhjetë (130) njësi barna pa banderola”, thuhet në njoftim të Policisë.
Ndërkaq nuk kanë bërë të ditur nëse ka të arrestuar .
