Kandidatët për kryeministër për këto zgjedhje i kemi prezantuar në mënyra të ndryshme. Inlajmi gjatë kësaj periudhe u ka sjellë pjesë nga jeta personale dhe familjare e kandidatëve për kryeministër, gjërat të cilat deri më tani nuk i keni ditur.
Sot do përmbyllim këtë rubrikë për kandidatët për kryeministër me temën se cili është ushqimi i preferuar i tyre!
Ish-zëvendëskryeministri i Kosovës, Fatmir Limaj ka treguar se ushqimet tradicionale përveç që i preferon shumë, ato e kthejnë edhe në shumë kujtime.
E këto ushqime, Limaj ka treguar se ka dëshirë kur i përgatit gruaja e axhës së tij, pasi thotë se janë sikur ushqimet nga duart e nënës. “Unë e kam ende gruan e axhës, jeton akoma dhe shpesh herë ajo me qejf mi përgatit ushqimet e duarve të nënës. Pitet, këto ushqimet tona tradicionale.
Kadri Veseli, ushqimi i tij i preferuar është ushqimi tradicional, ndërkaq sa i përket gatimit nuk dinë të gatuaj, thotë se Violeta i kryen të gjitha këto. Ndërkaq Violeta në një intervistë ka thënë se Kadri Veseli “Nuk është që shquhet për gatimin por nuk është prej tipave që nuk e hap frigoriferin edhe s’gatuan, s’përgatit diçka të shpejtë. Për shembull vezët, ndonjë sandviç, pastat nganjëherë”.
Ramush Haradinaj, kandidat për kryeministër nga Aleanca për Ardhmërinë e Kosovës ka thënë se nuk e ka idenë të gatuaj, ndërkaq sa i përket ushqimit ai preferon ushqimin tradicional por edhe të detit!
Vjosa Osmani, kandidate për kryeministre nga Lidhja Demokratike e Kosovës në asnjë intervistë nuk është se e ka përmendur ushqimin, sigurisht pasi është një grua dhe nënë e dy vajzave dhe e dimë që di të gatuaj!
Albin Kurti, kandidat për kryeministër nga Lëvizja Vetëvendosje, sa i përket përgatitjes së ushqimit nuk është se është merakli i kuzhinës dhe di mirë të gatuaj, ushqimi preferuar është si për çdo shqiptarë ai tradicional!
