Deri më sot kanë arritur 8 mijë e 133 paketa të supozuara me fletëvotime nga diaspora. Kështu ka bërë të ditur për kosovapressin, zëdhënësi i Komisionit Qendror i Zgjedhjeve, Valmir Elezi.
Ai tha se votuesit jashtë vendit përmes postës kanë kohë që deri më 5 tetor të votojnë për kryeministrin e ardhshëm të Kosovës, procedurë kjo e cila ka filluar më 19 shtator.
Ai gjithashtu ka shtuar se numërimi i votave përmes postë do bëhet në QNR
“Numërimi i votave përmes postës bëhet në qendrën e numërimit dhe të rezultateve pas ditës së zgjedhjeve dhe pasi të zhvillohen të gjitha ato procedura ligjore të cilat janë të parapara sa i përket çështjes së votave përmes postës. Gjithashtu dihet që në Qendrën e Numërimit dhe të Rezultateve përveç votave me postë pas ditës së zgjedhjeve do të numërohen edhe votat me kusht dhe votat e personave me nevoja të veçanta të cilat hidhen në ditën e zgjedhjeve”, tha ai.
