Ministria e punëve të jashtme ka refuzuar të gjitha kërkesat e zyrtarëve serb, pasi i ka konsideruar si përpjekje për destabilizim të Kosovës.
Këshilltari i ministrit të jashtëm në detyrë, Bexhet Pacollit, përmes një postimi në rrjetin e tij social ka deklaruar se qëllimi kryesor i Beogradit është të kërcënoj, dhe shantazhoj serbët lokal sa i përket procesit zgjedhor, raporton Inlajmi.
Jetlir Zyberaj nga këshilli i ministrisë së jashtme, gjithashtu ka shtuar se këto ditë ka disa përpjekje të vazhdueshme destabilizim para zgjedhjeve.
Më poshtë mund të lexoni reagimin e plotë të këshilltarit të ministrit në detyrë Behxhet Pacollit.
“Në dy ditët e fundit ka pasur përpjekje të vazhdueshme nga Beogradi për të destabilizuar Kosovën para zgjedhjeve.
Të gjitha kërkesat për vizita në Kosovë nga zyrtarët serbë janë refuzuar dhe asnjë nuk do të aprovohet.
Qëllimi i Beogradit është të destabilizojë Kosovën, të kërcënojë dhe të shantazhoj serbët lokalë dhe të ndërhyjë në procesin zgjedhor.
Ky vendim merret pas një konsultimi të ngushtë me institucionet e sigurisë në Kosovë.
Ky vendim është në interesin e Kosovës dhe mbron të gjithë qytetarët që të bëjnë zgjedhjen e tyre të lirë për udhëheqësit e tyre të ardhshëm”.
