Kryeministri në detyrë, Ramush Haradinaj ka shkruar një telegram urimi për kancelaren e Gjermanisë, Angela Merkel, në rastin e 29 vjetorit të bashkimit të shtetit Gjerman.
Haradinaj, në përmes një postimi në rrjetin social Facebook, ka thënë se Kosova dhe populli i saj janë me fat që gjithmonë krah vetes kanë pasur një shtet si Gjermania.
Po ashtu ai i ka shprehur mirënjohje të thellë për kontributin e tyre ndaj popullit tonë. Dhe ka thënë se si çdo herë tjetër, kancelaren Merkel e sigurova se Kosova është fuqishëm e angazhuar në rrugën e saj drejt integrimit në Bashkimin Evropian./InLajmi/
Postimi i plotë:
Kosova dhe populli i saj janë me fat që në të gjithë etapat e shtetbërjes, kanë pasur krah vetes shtete si Gjermania. Sot, kur bëhen 29 vjet nga bashkimi i shtetit gjerman, i kam nisur një telegram urimi kancelares Angela Merkel, për këtë festë kombëtare, duke shprehur mirënjohjen e thellë të Kosovës, për kontributin e tyre jetik ndaj nesh.
Si çdo herë tjetër, kancelaren Merkel e sigurova se Kosova është fuqishëm e angazhuar në rrugën e saj drejt integrimit në Bashkimin Evropian.
Si partnerë të besueshëm dhe aleatë të fuqishëm, Kosova dhe Gjermania kanë marrëdhënie të shkëlqyeshme bilaterale dhe ndajnë vlera të përbashkëta!
Urime Gjermani!
RH
