Një aksident automobilistik është shënuar ditën e sotme në aksin nacional Korçë-Pogradec, ku një trajler është përplasur me një autoveturë.
Aksidenti ka ndodhur në afërsi të fshatit Petrushë, mjeti tip “Benz” (me targa greke) është përplasur me një mjet tip kamion, me drejtues shtetasin F.M, 47 vjeç, banues në fshatin Bulgarec, Korçë.
Burime për TCH bëjnë me dije se dyshohet se nga ky aksident në mënyrë tragjike ka ndërruar jetë drejtuesi i mjetit benz, identiteti i të cilit është ende i paidentifikuar.
Policia ka mbërritur menjëherë në vendin e ngjarjes dhe po heton për zbardhjen e rrethanave të këtij aksidenti.tch
