Sulmuesi i Barcelonës, Antoine Griezmann ka pranuar që është vështirë të afrohesh me yllin e klubit blaugranas, Lionel Messi.
Dyshja nuk kanë mundur të luajnë shumë, pasi argjentinasi është i lënduar.
Sipas francezit duhet të mësohet si të lidhet me pesë herë fituesin e Topit të Artë, transmeton KP, shkruan/koha.net/.
“Nuk është ndonjë person që flet shumë, as unë nuk jam i tillë, andaj është vështirë. Jemi duke shkuar në rrugën e duhur. Duhet të mësohemi si të lidhemi dhe të forcohemi. Jam këtu për të ndihmuar”, deklaroi ai.
Barcelona sot pret në “Camp Nou”, klubin italian që nuk di për humbje, Inter.
