Kandidati për deputet nga koalicioni AAK-PSD, Salih Salihu, ka thënë se përjashtimi nga ENQA mund të jetë bërë për shkaqe të cilësisë e jo për ato politike.
Salihu, në “Debat Plus” me Ermal Pandurin në RTV Dukagjini ka thënë se sistemi arsimor universitar duhet të jetë autonom për të organizuar arsimin.
“Ndërhyrjet në universitet janë të gabueshme sepse ato ndikojnë në cilësinë e arsimit e më pas lindin kundërshti mes mësimdhënësve e më pas dekanëve e njësive akademike për shkak të lutës politike”.
Ai ka thënë se depolitizimi i sistemit arsimor është i domosdoshëm për të mos dëmtuar rininë që sipas tij kanë vullnet të madh për të mbaruar një fakultet.
Salihu ka thënë se përjashtimi i AKA nga ENQA mendon se është bërë për shkak të cilësisë e jo për shkak të ndërhyrjeve politike.
“Nëse është përzier politika e për këto arsye politike është përjashtuar AKA është shumë keq”, tha ndër të tjera Salih Salihu.
