Për të ditur se çfarë janë antibiotikët, si duhet të i përdorim, rëndësinë dhe pasojat që mund të i ketë më në detaje na tregon, Arjetë Jashari, biokimiste dhe farmaciste.
Arjetë Jashari, biokimiste dhe farmaciste për InLajmin tregon se antibiotikët eliminojnë gjithçka kjo do të thotë që largojnë një varg bakteresh tek organizmi i njeriut. Rrezikshmëria në masë të lartë për rritjen e baktereve në organizmin tonë është e pranishme gjatë griprave sezonal, kjo është edhe arsyeja në shumicën e rasteve që mjeku ‘antibiotikun’ e përshkruan në recetë/InLajmi/.
“Antibiotiket janë substanca apo lënde kimike që përfitohen përmes disa këpurdhave të cilat kanë aftësi të mbysin një varg mikrobesh dhe bakteresh apo të ndërpresin zhvillimin e tyre. Ndahen në dy kategori: baktericid që shkatërrojnë baktere të ndjeshme në antibiotik dhe bakteriostatik që pengojnë përkohësisht rritjen e baktereve. Zakonisht preferohet përdorimi i antibiotikeve me veprim baktericid. Mirë po ka raste kur më shpesh përdoren antibiotiket bakteriostatik”, tha Jashari.
Sipas Jasharit kemi lloje të ndryshme të antibiotikëve në të cilat janë në përdorim, secili prej tyre luan një rol të veçantë, përdorimi i tyre porsa është i nevojshëm mund të jetë edhe i dëmshëm për nga efekti anësore. Gjithashtu ky lloj bari pa përshkrimin e mjekut nuk mund të përdoret e as të shitet nëpër barnatore.
“Lloji i përdorimit të antibiotikeve zakonisht duhet të përcaktohet pasi të bëhet antibiogrami e që në praktiken tonë rralle herë bëhet një gjë e tillë. Kjo formë e përdorimit të pakontrolluar të antibiotikeve është në dëm të organizmit sepse e bënë organizmin rezident ndaj atij antibiotiku. Gjithmonë duhet të kemi një përdorim të matur të antibiotikeve dhe të minimizohen mundësitë e efekteve anësorë dhe shfaqjes se rezistencës. Asnjëherë mos te epen antibiotik pa recete të mjekut”, u shpreh ajo/InlLajmi/.
