Dogana e Kosovës ka arritur një rekord të ri në mbledhjen e të hyrave. Në vitin jubilar të doganës janë grumbulluar për herë të parë që nga themelimi mbi 800 milion euro në javën e dytë të shtatorit. Pra kjo paraqet një të arritur të madhe si dhe një lajmë të mirë për të gjithë qytetarët e Kosovës. Krahasimi me vitin paraprak tregon se trendi i të hyrave është në rritje, në të njëjtën periudhë dogana kishte grumbulluar rreth 773 milion euro derisa këtë viti po në të njëjtën periudhë kemi arritur të mbledhim mbi 804 milion që paraqet rritje prej 31 milion euro më shumë apo 4% më shumë. Kjo rritje tregon edhe një herë përkushtim e Doganës në realizimin dhe mbushjen e buxheti ashtu që të Kosova të ketë fonde të mjaftueshme të cilat rikthehen tek qytetarët e Kosovës përmes investimeve në arsim, shëndetësi, siguri, infrastrukturë dhe shumë nevoja të tjera, shkruhet në njoftimin e Doganës së Kosovës.
Zëdhënësi i Doganës së Kosovës, Adriatik Stavileci për InLajmin ka thënë se Dogana në këtë vit ka tejkaluar 800 milion euro të hyrat e saj.
Ai po ashtu tha se kjo rritje ka lënë mbrapa vitin e kaluar për 24 milion më shumë apo rreth 3%, raporton /InLajmi/.
“ Dogana e Kosovës në vitin 2019 ka arritur ngritje në të hyrat doganore po ashtu shifrat e dala janë 850 milion euro apo rreth 24 milion më shumë se vitin e kaluar”, ka thënë Stavileci/InLajmi/.
