Kandidatët për kryeministër të të gjitha partive politike jo të gjithë janë adhurues të muzikës, dhe jo të gjithë dijnë të këndojnë, të paktën kështu janë prononcuar nëpër intervista, shkruan InLajmi.
Kandidati për kryeministër nga AAK Ramush Haradinaj, ka një shije të përzier sa i përket zhanreve muzikore, ai në intervista të shumta ka treguar se dëgjon muzikë nga folklorikja deri tek këngët e fundit moderne.
Haradinaj ka treguar se e preferuerja e tij është muzika folklorike, këngëtarët e preferuar të tij janë Riza Bllaca dhe kënga e tij “O moj Shqipëri mos thuj mbarova”, po ashtu Sali Bajrami “Lulëzoj fusha e lulëzoj mali”.
Por Haradinaj ka treguar se i pëlqen edhe muzikën moderne, përveç yjeve të rinj të estradës tonë pëlqen edhe këgën “Rollin in the deep” të super yllit anglez Adele. Vlenë të cekët se Haradinaj ka provuar në shumë raste të këndojë.
Ndërkaq Kadri Veseli kandidat për kryeministër nga PDK ka thënë se ai nuk di të këndojë, por këndon me shpirt edhe pse e pranon se nuk ka zë të mirë për të kënduar. Dëgjoj shumë muzikë kryesisht e dëgjoj ,Iva Mulen, Ilaz Shaqirin, Ismet Bexhetin nuk dua të mos përmend të gjithë ata këngëtar të cilët kanë kontribuar për Kosovën. I pyetur se a dëgjon muzikë të huaj, ai u përgjigj nga jashtë i dëgjoj këngëtarët me prejardhje shqiptare vetëm se na përfaqësojnë neve si komb. Veseli kryesisht është ithtar në muzikën popullore shqiptare.
Albin Kurti, kandidat për kryeministër nga Lëvizja Vetëvendosje, si duket është më i dhënë nga ana e të lexuarit të librave pasi që në intervista të ndryshme nuk është prononcuar shumë se cila mund të ishtë peferenca konkrete muzikore. I pyetur nga Gazetari, Kurti ka thënë më shumë i pëlqen muzika e huaj.
Vjosa Osmani, Kandidate për kryeministre nga radhët e LDK-së asnjëherë nuk e ka potencuar se është adhuruese e muzikës dhe e di të këndojë.
Fatmir Limaj, kandidat për kryeministër nga Nisma Social Demokrate thotë se është adhurues i muzikës folklorike- burimore, atij i pëlqen të shkojë nëpër Oda ku këndohet, por jo edhe të këndojë./InLajmi
