Institucioni i Prokurorit të Shtetit ka organizuar tryezë me temën “Mbrojtja e Votës”, ku është diskutuar për angazhimin e institucioneve përgjegjëse për mbarëvajtjen e zgjedhjeve të 6 tetorit.
Koordinatorja nacionale e projektit “Mbrojtja e votës”, Laura Pula, tha se 100 prokurorë do të jenë kujdestarë në të gjithë Kosovën në zgjedhjet e 6 tetorit.
” Kryeprokurori ka emëruar prokurorët për regjionet e tyre dhe 24 orë do të jenë në zgjedhje. 100 prokurorë do të jenë kujdestarë në Kosovë. Të gjithë prokurorët së bashku me Policinë e Kosovës do të qëndrojnë në zyret e tyre në regjionet e caktuara. Prokurori i Shtetit aty për aty vendos për ndalimin e personave dhe kërkon nga gjyqtari kujdestar shqiptimin e masave qofshin me burgim. Në rast se kur veprat penale kryen policia njofton prokurorin. Në qoftë së vepra penale kryhet gjatë personave në ushtrim të detyrës zyrtarë policia njofton prokurorin për ndalim të menjëhershëm. Në momentin se kur ndodh një rast në Prishtinë prokuroi ka emrin dhe numrin e vëzhguesit”, tha Pula, raporton EkonomiaOnline.
Pula shtoi se kushdo që ushtron forcë për ti treguar se formën se si ka votuar dënohet me 1 vit burgim , në qoftë se kjo ndodh nga anëtarët e komisioni dënohet nga 1 deri në 5 vite burgim.
“Kjo është një formë komunikimi ndërmjet prokurorisë dhe policisë së Kosovës. Ne si Prokurori e Shtetit kemi edhe planin e veprimit të brendshëm. Koordinatorja do të mbikëqyrë mbarëvajtjen e zgjedhjeve në tërë Kosovën nga zyret dhe do të komunikojë më të gjithë në teren me KQZ-në , policinë dhe komisionin për ankesa. Nga kjo zyrë do të përcillen edhe informatat e medieve. Dhoma operative e kryeprokurorit të shtetit do të pranon çdo informatë sidomos të veprave të veprave penale. Nëse kemi informacione që është duke u kryer vepra penale dhe në qoftë se nuk lajmërohet është sanksionuar sipas kodit penal të Kosovës. Lajmërimi i të dhënave është një adresë policia e Kosovës dhe prokurori i shtetit”.
“Policia dhe prokuroria do të ndalojë çdo personat që bien ndesh me ligjin. Prokuroria e Shtetit do të përcjellë edhe portalet për të gjitha informatat. Inkurajoj të gjithë ata qe informacioni të ketë i saktë për të kryer punën tonë si prokurori dhe si polici. Kushdo që përdor forcën dhe kërkon nga personi tjetër të tregoj se si ka votuar dënohet me 1 vit burgim, në qoftë së këtë e kryejnë anëtarët e komisionit zgjedhor sanksioni rritet prej 1 deri në 5 vite burgim”
Drejtori i operacioneve në Policinë e Kosovës, Afrim Ahmeti, tha se policia do të caktojë ekipe monitoruese në të gjitha komunat e Kosovës.
” Policia do të monitorojë siguri për të gjitha tubimet. Ditën e zgjedhjeve policia do të ofrojë siguri në të gjitha vendvotimet dhe derisa kutitë të dorëzohen. Do të caktojë ekipe monitoruese ne të gjitha komunat e Kosovës. Kemi forca të mjaftueshme për sigurinë e vendit. Njësitë speciale do të jenë në gatishmëri të përgjigjen për çdo rast. Kërkojmë nga subjektet politike që fushata zgjedhore dhe zgjedhjet të kalojnë të qeta. Kërkojmë qe subjektet politike të respektojnë ligjin e zgjedhjeve”.
Koordinatore e Këshillit gjyqësor, Fatime Dërmaku, tha se Këshilli Gjyqësor ka caktuar 15 gjyqtar.
“Këshilli i Kosovës do t’i del zot zotimeve të veta në bashkëpunim me prokurorët, KQZ-në, policinë. Këshilli Gjyqësor ka caktuar 15 gjyqtar në të gjitha gjykatat e Kosovës. Këshilli Gjyqësor ka caktuar 6 gjyqtar kujdestar që të kenë në gatishmëri”.
Koordinator i panelit Zgjedhor për Ankesa dhe Parashtresa, Mul Desku, tha se deri me tani kemi pranuar 89 ankesa dhe 86 janë shqyrtuar.
“Paneli Zgjedhor për Ankesa ka pranuar 89 ankesa dhe ka shqyrtuar 86 ankesa. Këto kanë të bëjnë me fushatën. Kemi sensibilizuar opinioni për orarin e punës për opinionin dhe subjekteve politike për respektimin e ligjit. Me datën 11 shtator e kemi publikuar qe subjektet politike ta respektojnë ligjin. Stafi i punës do të punojë me orar të zgjatur18:00. Ndërsa për ditën e zgjedhjeve është deri në ora 21:00. Ndërsa mas zgjedhjeve do të punojë deri në ora 19:00 për lajmërimin e të gjithave ankesave. Afatet e ankesave gjatë fushatës janë 24orë prej momentit të shkeljes. Nga proceset e kaluara zgjedhjet e parakohshme të 2017 kemi pas gjoba 349.00 euro. Me rëndës është se paneli është i gatshëm dhe po punon me kapacitet të plotë për shqyrtimin e ankesave”.
Drejtori i Policisë së Kosovës, Rashit Qalaj, tha se polica do të jetë mbështetëse e fortë në këtë proces zgjedhor.
“Policia e Kosovës do të jetë mbështetëse e fortë e procesit zgjedhor derisa të mbarojë. Në bazë të vlerësimeve deri më tani i kemi vlerësimet që është një situatë mjaft e qetë. Policia e Kosovës do të ketë shumë angazhime dhe nuk do të lodhemi kurrë që Kosova të del e suksesshme”.
Zv. kryesuesja e KGjK-së, Makifete Saliuka, tregoi për bashkëpunimet me të gjithë akterët që mbrohet vota e lirë e qytetarit, transmeton lajmi.net.
“Ne si Këshill Gjyqësor kemi nënshkruar bashkëpunim me KQZ-në , Policinë e Kosovës dhe me Panelin Zgjedhor për Ankesa dhe Parashtresa për bashkëpunimin e zgjedhjeve të parakohshme të 6 tetorit. Me shpresën se do të mbrohet vota e lirë e qytetarit”.
Përfaqësues i Ambasadës së SHBA-së, John Buah, tha se SHBA-ja vazhdon të mbështet zgjedhjet dhe inkurajon të gjithë për të raportuar parregullsitë.
“Ju inkurajojmë të raportoni për të gjitha parregullsitë. SHBA-ja vazhdon të mbështet projektin e juaj sivjet”, tha ai.
