Kryeministri në detyrë Ramush Haradinaj, sot në përmes një postimi në Facebook ka njoftuar qytetarët e Republikës së Kosovës se tabela e vendosur në Zubin Potok është hequr nga organet e zbatimit të ligjit.
Në këtë tabelë ishte shkruar “Republika e Serbisë” dhe “Krahina Autonome e Kosovës”.
Ai ka shkruar se Tabela në Zubin Potok, për të cilën është raportuar dje në media, është hequr mbrëmë nga organet e zbatimit të ligjit të Republikës së Kosovës.
Për vendosjen e kësaj tabele sot ka reaguar edhe historiani i njohur, Jusuf Buxhovi.
“Realiteti i ynë sot: Agresioni i Serbisë në Kosovë si edhe krekosja e politikanëve tanë për Kosovën 100% shtet”, ka shkruar Buxhovi në Facebook. 
