Të ftuar në emisionin Pressing të T7, janë dy Ish-deputetët e Kuvendit të Kosovës dhe dy nga figurat që themeluan UÇK’në, Gani Geci e Sami Lushtakutë cilët kanë rrëfyer se si e kanë njohur presidentin Thaçi.
Sami Lushtaku tha se e ka njohur shumë kohë më parë, por zgjodhi të përmend aksionin e armatosur “Te stacioni” në Drenas.
“Unë e kam njoftë moti Hashim Thaçin, por dua të përmendi aksionin e vitit 92’ ku kemi marrë pjesë bashkë në Drenas “Te stacioni”, ka thënë Lushtaku në Pressing.
Ndërsa Geci tha se Thaçin e ka njohur shumë kohë më parë pasi ishin edhe një gjeneratë.
“Unë me Hashim Thaçin kemi qenë shokë të gjeneratës, ai ka qenë në drejtimin ‘Kimi-teknologji’. Ai ka qenë anëtar i forumit rinor në kohën kur ademi shkoi në ushtrime Thaçi u bë kryetar, deri në mbledhjen tjetër”, tregoi Geci.
