Në garë për kryeministër të Kosovës në zgjedhjet e 6 tetorit janë Vjosa Osmani, Ramush Haradinaj, Kadri Veseli, Albin Kurti e Fatmir Limaj.
Këta kandidate zotrojnë mjaft pasuri duke përshirë, toka, shtëpi, banesa, vetura, janë aksionar në biznese të nrdyshme etj. Por politikanët tanë e kanë një adresë ku duhet ta deklarojnë pasurin etyre, që është Agjencia Kundër Korrupsionit.
Pra kjo është pasuria e tyre që ata e kanë deklaruar në Agjencinë Kundër Korrupsionit.
Pasuria e Vjosa Osmanit:
Në pronësi të saj, Vjosa ka deklaruar një se ka një banesë në vlerë prej 40 mijë eurosh e cila sipas saj është ende e papërfunduar.
Një banesë ajo e ka pasuri në pronësi të bashkëshortit në vlerë prej 67 mijë eurosh.
Ajo ka edhe dy shtëpi, njëra në vlerë prej 190 mijë eurosh dhe tjetra në vlerë prej 125 mijë eurosh, në pronësi të bashkëshortit të saj.
Osmani në llogarinë e saj ka hiç më pak se 42 mijë euro. Ndërkaq në një llogari tjetër në një bankë tjetër ajo ka 6 mijë euro.
Pasuria e Ramush Haradinajt:
Ramush Haradinaj në bazë të deklarimit që e ka bërë del të jetë shumë i pasur.
Ai ka dy shtëpi banimi, banesë, tokë, veturë e qindra mijëra euro para të gatshme.
Haradinaj në regjistrin e pasurisë ka deklaruar se posedon një shtëpi banimi në vlerë prej 300 mijë eurosh, të cilën e ka lëshuar me qira, një shtëpi tjetër banimi e cila kushton rreth 200 mijë euro dhe një banesë në vlerë të 70 mijë eurove.
Ai ka deklaruar se ka në pronësi edhe një truall që kushton mbi 27 mijë euro. Si pasuri të përbashkët me vëllezrit e tij, ai e ka deklaruar Kullën, që siç thotë ai kushton 270 mijë euro, dhe një tokë në vlerë 75 mijë euro.
Si pasuri të paluajtshme, Haradinaj e ka deklaruar veturën e bashkëshortes, e cila ka një kosto prej 8 mijë eurosh.
Në bazë të regjistrimit për deklarimin e pasurisë, Haradinaj po del të ketë edhe borxhe të mëdha. Ai e ka një kredi në vlerë prej 133 mijë euro, të cilën e ka marrë për blerjen e shtëpisë e që pritet ta lajë në vitin 2031.
Haradinaj ka deklaruar se i ka rreth 70 mijë euro para të gatshme në banka.
Të ardhurat vjetore të tij e kapin shifrën e 100 mijë eurove. Haradinaj merr mbi 73 mijë euro nga qiraja, 32 mijë euro të tjera nga paga mujore si kryeministër, dhe 2 mijë e 700 euro pension invalidor.
Edhe bashkëshortja e kryeministrit, Anita Haradinaj merr rreth 8 mijë euro nga RTK-ja, 12 mijë euro nga kompania Elsig dhe 12 mijë euro të tjera nga Agjencia e marketingut “Vibe”.
Pasuria e Kadri Veselit:
Në Agjencinë Kundër Korrupsionit , Kadri Veseli ka deklaruar se posedon një banesë prej vitit 2001 në emër të bashkëshortes së tij, në vlerë prej 97.000, një lokal afarist me sipërfaqe prej 270 metra katrorë, vlerën e së cilës nuk e ka deklaruar.
Veseli gjithashtu ka deklaruar se posedon një shtëpi prej 350 metra katrorë e trashëguar nga prindërit e tij, si dhe tokë në mal prej 10 hektarë po ashtu të trashëguar.
Kreu i PDK-së merr pagë vjetore prej 33 mijë e 870 euro si kryetar i Kuvendit e po ashtu rreth 5 mijë euro mëditje.
Gruaja e tij Violeta merr pagë vjetore prej 3.420 euro si profesoreshë në gjimnazin “Sami Frashëri” dhe 17 mijë e 640 euro nga Kobit PC.
Veseli gjithashtu ka deklaruar një veturë Jeep në vlerë 16 mijë e 300 euro dhe para të kursyera në dy banka së bashku me gruan e tij në vlerë prej mbi 6 mijë euro.
Pasuria e Albin Kurtit:
Deklarimin e pasurisë e ka bërë edhe lideri i VV-së. Kurti.
Ai ka deklaruar se posedon një apartament prej 67 metrave katror në vlerë prej 400 mijë eurove i cili është në pronësi të bashkëshortes së tij.
Ai ka thënë se apartamenti është blerë në vitin 2018 nga bashkëshortja.
Kurti nuk ka deklaruar asnjë pronë të paluajtshme në pronësi të veten.
Lideri i VV-së, ka deklaruar se bashkëshortja e tij ka një kredi në nja bankë në vlerë prej 270 mijë euro, në kohëzgjatje prej 25 vitesh, pasi kanë blerë një apartament.
Pasuria e Fatmir Limajt:
Lideri i partisë Nismës, Fatmir Limaj, ka në pronësi të tijën, shtëpi, banesa, disa hektarë tokë.
Ai posedon një banesë banimi në sipërfaqe rreth 68 metra katrorë, në vlerën e 70 mijë eurove.
Një shtëpi banimi 300 metra katrorë në vlerën e 250 mijë eurove si dhe 13 hektarë tokë, pasuri familjare në vlerën e 500 mijë eurove. Limaj po ashtu nga për pozitën e deputetit merr pagë prej 1 mijë e 377 euro, në baza vjetore me rreth 16 mijë e 524 euro.
Limaj ka edhe një kredi në njërën nga bankat në Kosovë, në vlerën e 40 mijë eurove. Ndërkohë që ai nuk ka të deklaruar ndonjë veturë në pronësi të tij.
Ramush Haradinaj del të jëtë më i pasuri karshi kandidatëve të tjerë për kryeministër, kurse Albin Kurti del të jetë më i varfëri sa i përket pasurisë së deklaruar.